PEACH 你會諗起咩野？ 食得既桃？ 係通宵機廉航先真。好彩有佢，我先可以有 72 小時大阪奈良之旅咋！
零晨1:15 香港出發，5:30 到埗，南海電鐵 +一日地鐵day pass ¥1500, 唔洗9 點就去到難波，咁早可以去邊？
當然去浸過溫泉先啦，就係街市上面，難波搭一個站地鐵即到，¥950 可以俾你消除零晨機的疲累，超值！
食完早飯都仲好早下，搭多兩個站去左天王寺，睇下仲有無紅葉先？真係仲有，雖然唔算多，但都多過元朗大棠架喇！
12 月大阪街道上滿佈黃葉的銀杏樹，超靚！
12:00, 係時候去酒店放低行李去 shopping. 今次由於臨出發前先揾酒店，一向住開d 平野都無房，又唔想離開難波，所以決定試下棺材房既升級版，就係機倉房喇。不過好似網上評論一樣，隔音真係好唔惦，住一晚當體驗下就ok 囉，下次都係俾多一二百住返好小小。
下午係shopping day, 幫人買下樂器，自己行下睇下gundam。原本無諗過買野，但匯率太平，仲要有大減價，$ 50 有找， 點都要買盒返屋企。
心齋橋 d 橫巷原來有好野食，好彩3點前見到，趕得切食特價牛扒。哩間鋪最特別係無位座既，全場罰企，食完迫你即閃，真絕！企係到食牛扒都真係第一次。
由於搭完零晨機，人點都係疲倦d, 夜晚無咩做都係早d 瞓好過。